Arrestohet shtetasi i Gjermanisë në Shtime, tentoi të i marrë me dhunë fëmijët nga bashkëshortja

16:56 | 20 Gusht 2022
E.H

Mbrëmë, rreth orës 23:40 policia e stacionit në Shtime ka pranuar një informacion se në rrugën ” Ahmet Shtimja” në Shtime është një rast i dhunës në familje.

“Në lidhje me këtë policia menjëherë i ka marr veprimet e nevojshme, ka dalë në vendin e ngjarjes dhe ka arrestuar personin me inicialet B.S, shqiptar shtetas i Gjermanisë, i moshës 48 vjeçar, i cili pas disa mosmarrëveshjeve të vazhdueshme që kishte me bashkëshorten e saj me inicialet H.S e moshës 37 vjeçare, shkakton dhunë në familje duke tentuar ti marrë me dhunë dy fëmijët e tyre”, thuhet në komunikatën për media.

Policia të dyshuarin e ka shoqëruar në stacionin e policisë në Shtime dhe pas intervistimit nga policët hetues, me vendim të Prokurorit kujdestar nga Prokuroria Themelore në Ferizaj, i njëjti është dërguar në mbajtje për 48 orë, për procedura të mëtejme hetimore, ndërsa viktima H.S kthehet te prindërit e saj./arbresh.info/